Réiteach neamhspleách ar dhíospóidí do chustaiméirí seirbhísí airgeadais

Cé hé an tOmbudsman Seirbhísí Airgeadais?

Is oifigeach reachtúil é an tOmbudsman Seirbhísí Airgeadais a fheidhmíonn mar eadránaí neamhchlaonta maidir le conspóidí neamhréitithe a d'fhéadfadh a bheith idir custaiméirí nó gnólachtaí beaga agus a soláthróirí seirbhísí airgeadais.

Cé hiad na daoine gur féidir leis an Ombudsman cabhrú leo?

• Na custaiméirí pearsanta go léir de chuid na seirbhísí airgeadais
• Cuideachtaí Teoranta le láimhdeachas atá níos lú ná €3 milliún
• Carthanachtaí, clubanna, iontaobhais agus comhpháirtíochtaí

Cathain gur chóir cúnamh a lorg ón Ombudsman?

Má lean tú na nósanna imeachta inmheánacha de chuid do sholáthróir seirbhís airgeadais maidir le gearán a dhéanamh agus fós níl tú sásta, d'fhéadfadh an tOmbudsman Seirbhísí Airgeadais iniúchadh a dhéanamh maidir le gearán faoi:

• sholáthar sheirbhís airgeadais
• tairiscint chun seirbhís airgeadais a sholáthar,
• mainneachtain ó seirbhís airgeadais áirithe a iarraidh a chur a fáil

D'fhéadfadh an tOmbudsman Seirbhísí Airgeadais gan iniúchadh a dhéanamh ar cheist

• a bhfuil nó a bhí os comhair cúirte nó binse fiosraithe
• a tharla níos mó ná sé bliana roimh an ngearán a dhéanamh,
• atá laistigh de dhlínse Ombudsman na bPinsean.

Ba chóir ceisteanna níos leithne maidir le cosaint tomhaltóirí a chur os comhair Rialtóir Airgeadais na hÉireann.

Conas a chuireann tú gearán os comhair an Ombudsman?

Ba chóir scríobh chuig an Ombudsman agus cúis do ghearáin a leagan amach, chomh beacht agus is féidir.

Cé mhéad a chosnaíonn an tseirbhís?

Tá an tseirbhís a chuireann an tOmbudsman Seirbhísí Airgeadais ar fáil, saor in aisce.

Tabhair ar aird le do thoil, má fhostaíonn tú dlíodóirí nó má úsáideann tú aon chabhair phroifisiúnta eile chun d'iarratas a láimhseáil, tú féin a bheidh freagrach go hiomlán as aon chostais dlíthiúla nó neamhdhlíthiúla a bheidh i gceist. Beidh gá le cead scríofa uaitse más mian leat go ndéanfaidh an tríú páirtí uiríolla duit.

Conas a thagtar ar réiteach na ngearán?

Nuair a ghlactar gur chóir do ghearán a iniúchadh, iarrtar ar do sholáthróir seirbhís airgeadais freagra a thabhairt ar na ceisteanna a thagann chun solais. Murar féidir leis an Ombudsman glacadh le do ghearán le hiniúchadh, inseofar duit cén fáth. Iniúchófar na cúinsí go léir a bhaineann leis an ngearán. D'fhéadfaí go n-iarrfaí ort breis eolais nó doiciméadú tacaíochta a chur ar fáil.

Déantar gach cás a mheasúnú de réir fiúchais an cháis sin. I roinnt cásanna d'fhéadfaí theacht ar réiteach a shásódh an dá pháirtí. Murar féidir sin a dhéanamh, tabharfaidh an tOmbudsman breithiúnas ar an gceist. Nuair a thugtar breithiúnas, is féidir leis an ngearánach nó an soláthróir seirbhís airgeadais a bheidh i gceist, cinneadh an Ombudsman a achomharc chuig an Ard-Chúirt.

Cén cúiteamh is féidir leis an Ombudsman a ordú?

Is féidir leis an Ombudsman ordú don soláthróir seirbhíse chun ceann amháin nó níos mó acu seo a leanas a dhéanamh:

• an t-iompar a ndearnadh gearán faoi nó a iarmhairtí a réiteach,
• cúiseanna nó míniú ar an iompar sin a chur ar fáil,
• an cleachtas sin a athrú,
• cúiteamh uasmhéid €250,000 nó blianacht €26,000 a íoc,
• aon ghníomh dlíthiúil eile a dhéanamh.

An féidir leis an tOmbudsman diúltú gearán a iniúchadh?

D'fhéadfadh nach ndéanfaidh an tOmbudsman gearán a iniúchadh.

• má bhíonn sé cráiteach nó baoth nó mí-ionraic
• má bhíonn an fánach nó mura mbaineann sé go díreach leis an gcustaiméir
• má bhíonn slite eile ann chun cúiteamh a fháil.

Cé hiad na soláthróirí sheirbhís airgeadais is féidir leis an Ombudsman a iniúchadh?

• Bainc
• Cumainn Foirgníochta
• Comlachtaí Árachais
• Comhair Chreidmheasa
• Idirghabhálaithe morgáiste agus árachais agus idirghabhálaithe creidmheasa eile
• Stocbhróicéirí
• Geallearbóirí
• Iasachtóirí airgid
• Bureaux de change
• Soláthróirí Cíoscheannaigh
• Comhlachtaí árachais sláinte